Baipan Bhari Deva Box Office Collection : मराठी चित्रपट 'बाईपण भारी देवा' सध्या बॉक्स ऑफिसवर धुमाकूळ घालत आहे. या चित्रपटाने अनेक नरेटिव्ह बदलले आहेत. छोट्या बजेटमध्ये बनलेल्या या चित्रपटाने चांगली कमाई केली आहे. प्रदर्शनाच्या केवळ 11 दिवसांत 30 कोटींहून अधिक कमाई झाली आहे. एका अतिशय सामान्य कथेला दिग्दर्शनाच्या कलात्मकतेसह कलाकारांनी खास बनवलं आहे. आश्चर्याची गोष्ट म्हणजे या चित्रपटात एकही हिरो नाही. (Baipan Bhari Deva Box Office Collection Fire Breaking Records of Bollywood Films)

Advertisement

मराठी चित्रपट इतिहासातील मोठा विक्रम!

रोहिणी हट्टंगडी, वंदना गुप्ते, सुकन्या कुलकर्णी मोने, सुचित्रा बांदेकर, दीपा परब आणि शिल्पा नवलकर यांसारख्या नामांकित अभिनेत्री 'बाईपण भारी देवा'मध्ये मुख्य भूमिकेत आहेत. केवळ 5 कोटींच्या बजेटमध्ये हा चित्रपट बनवण्यात आल्याचं म्हटलं जात आहे. 30 जून रोजी हा चित्रपट बॉक्स ऑफिसवर झळकला. अवघ्या 11 दिवसांत हा चित्रपट कमाईच्या बाबतीत अनेक बिग बजेट चित्रपटांना टक्कर देताना दिसत आहे.

वाचा : एकनाथ शिंदेंचे खास, पण अजितदादांच्या एंट्रीनं होणार गेम, गादी जाणार?

बॉक्स ऑफिस कलेक्शनवर नजर टाकली तर या चित्रपटाने 11 दिवसांत 30 कोटींहून अधिक कमाई केली आहे. म्हणजेच चित्रपटाने बजेटपेक्षा कितीतरी पटीने अधिक गल्ला जमवला आहे. या चित्रपटाने पहिल्या दिवशी जवळपास 90 लाखांची कमाई केली होती. यानंतरही चित्रपटाची जबरदस्त कमाई सुरूच आहे. 'बाईपण भारी देवा'ने दुसऱ्या आठवड्यात 13.50 कोटींची कमाई केली. त्याचबरोबर तिसऱ्या आठवड्यातही चित्रपटाकडून चांगली कमाई अपेक्षित आहे.

Advertisement सब्सक्राइब करा

दररोज बॉक्स ऑफिस कलेक्शन किती?

'बाईपण भारी देवा' चित्रपटाचे नेट इंडिया कलेक्शन काहीसे असे आहे. चित्रपटाने पहिल्या दिवशी शुक्रवारी 90 लाखांची कमाई केली. त्यानंतर शनिवारी 2.13 कोटी रुपये आणि रविवारचे कलेक्शन 2.97 कोटी होते. तर दुसरीकडे, चित्रपटाने सोमवारी 91 लाखांची कमाई केली. मंगळवारी 1.37 कोटी रूपये, बुधवारी 1.72 कोटी रूपये आणि गुरुवारी 1.50 कोटी रूपये जमा झाले.

वाचा : Sharad Pawar : पुनरावृत्ती होणार!, दादांचा पुतण्या पवार कुटुंबाला एकत्र आणणार?

दुसऱ्या शुक्रवारी या चित्रपटाने 2.25 कोटींचा व्यवसाय केला. शनिवारी 5.25 कोटी रूपये तर सेकंड संडेला चित्रपटाने 6 कोटींची कमाई केली. अशाप्रकारे या चित्रपटाने आतापर्यंत 11 दिवसांत 30 कोटींहून अधिक व्यवसाय केला आहे.

बाईपण भारी देवा चित्रपटाची बॉलिवूड चित्रपटांना टक्कर!

बाईपण भारी देवा हा मराठी चित्रपट कार्तिक आर्यन आणि कियारा अडवाणी यांच्या 'सत्यप्रेम की कथा' आणि 'इंडियाना जोन्स' या चित्रपटांना कमाईच्या बाबतीत टक्कर देत आहे. मिळालेल्या माहितीनुसार, मिशन : इम्पॉसिबल डेड रेकनिंग 1 च्या प्रदर्शनाचाही चित्रपटाच्या कमाईवर थोडाफारच परिणाम होताना दिसेल.

वाचा : Crime: ऑफिसमध्ये रक्ताचा सडा! बॉसची तलवारीचे वार करत हत्या

चित्रपटाच्या कहाणीमध्ये नेमकं आहे तरी काय?

'बाईपण भारी देवा' ही 6 बहिणींच्या आयुष्यावर आधारित कथा आहे. या सर्व विभक्त बहिणींची भेट मंगळागवर या स्पर्धेवेळी होते. सर्व बहिणी एकत्र येऊन अडचणींचा सामना करतात आणि आपली भूतकाळातील लढाई लढतात हे चित्रपटात दाखवण्यात आले आहे.

मराठी चित्रपट ज्या पद्धतीने हिरोशिवाय आणि कमी बजेटमध्ये उत्तम पद्धतीने मांडण्यात आला आहे. त्याचे कौतुक करावे तेवढे शब्द कमी आहेत. अशाप्रकारे चाहत्यांचा खूप चांगला प्रतिसाद चित्रपटाला मिळत आहे.