Ind vs Pak : मोहम्मद शमी इन, 'हा' खेळाडू आऊट... पाकिस्तानविरुद्ध प्लेइंग 11 मध्ये फेरबदल?
India vs Pakistan Playing 11 in World Cup 2023 Ahmedabad : विश्वचषक स्पर्धेत ऑस्ट्रेलिया आणि अफगाणिस्तानला पराभूत केल्यानंतर टीम इंडियाची आता 14 ऑक्टोबरला पाकिस्तानसोबत 'लढाई' होणार आहे. अहमदाबादच्या नरेंद्र मोदी स्टेडियमवर दोन्ही संघांमध्ये तुल्यबळ सामना बघायला मिळणार आहे.
दरम्यान, भारतीय संघाने पहिले दोन सामने जिंकून क्रमवारीत आघाडी घेतली आहे. परंतु असे असूनही टीम इंडियामध्ये काही कमतरता आहेत. या दुरुस्त केल्यास टीम इंडियाची विजयी मोहीम आणि विश्वचषक जिंकण्याचा दावा अबाधित राहील.
टीम इंडियाची स्थिती काय आहे?
1) सलग दोन सामने जिंकल्यानंतरही टीम इंडियाला अजूनही काही गोष्टींमध्ये सुधारणा आवश्यक आहे. इशान किशनपासून सुरुवात करायची झाली, तर त्याने दिल्लीच्या सामन्यात 47 धावा केल्या असतील, पण त्याच्या खेळण्यात फारसा आत्मविश्वास नव्हता. त्याचवेळी ऑस्ट्रेलियाविरुद्धच्या पहिल्या सामन्यात तो अत्यंत बेजबाबदारपणे शॉट खेळून बाद झाला होता.
2) ऑस्ट्रेलियाविरुद्धच्या सामन्यात इशान किशन शून्यावर बाद झाला. शुभमन गिलच्या अनुपस्थितीत ईशान किशनला सलामीवीर म्हणून स्वत:ला मजबूत बनवण्याची मोठी संधी आहे.
हेही वाचा >> “अजित पवारांचं मुख्यमंत्रीपदाचं स्वप्न…”, शरद पवारांची मोठी राजकीय भविष्यवाणी
3) दिल्लीच्या अरुण जेटली स्टेडियमवर झालेल्या सामन्यात जसप्रीत बुमराहने अफगाणिस्तानविरुद्ध 39 धावांत चार विकेट घेतल्या, पण दुसऱ्या बाजूला मोहम्मद सिराजची कामगिरी खूपच खराब राहिली. त्याने 9 षटकात 76 धावा दिल्या.
अशा परिस्थितीत आता मोहम्मद सिराजच्या जागी मोहम्मद शमीला संधी दिली जाण्याची शक्यताही व्यक्त केली जात आहे, आशिया चषक स्पर्धेच्या अंतिम फेरीत सिराजने ज्या प्रकारची कामगिरी केली होती, त्यामुळे त्याला बाहेर बसवणे कठीण झाले आहे. त्याचबरोबर शार्दुल ठाकूरलाही बाहेर बसवता येईल.
अश्विनच्या जागी खेळायला आलेल्या शार्दुलने केली निराशा
11 ऑक्टोबर रोजी ICC क्रिकेट विश्वचषकातील 9 व्या सामन्यात फिरकीपटू रविचंद्रन अश्विनचा टीम इंडियात समावेश न झाल्याने क्रिकेट चाहत्यांना आश्चर्य वाटले. यानंतर अनेक क्रिकेट तज्ज्ञांनीही यावर प्रश्न उपस्थित केले होते.
अश्विनने ऑस्ट्रेलियाविरुद्धच्या सलामीच्या सामन्यात 10 षटकांत 34 धावा देत एक बळी घेतला होता. यानंतर कॉमेंट्री करणारे सुनील गावस्कर यांचीही निराशा झाली. त्याचवेळी इरफान पठाणनेही मधल्या षटकांमध्ये अश्विनला संघात असणे अत्यंत महत्त्वाचे असल्याचे मान्य केले. अशा परिस्थितीत तो संघात असायला हवा होता.
व्हिडीओ >> ‘मनोज जरांगे पाटलांकडे 7 कोटी कुठून आले?’ छगन भुजबळ यांचा सवाल, ऑडिओ क्लिप व्हायरल
आता पाकिस्तानविरुद्धच्या विश्वचषकातील पहिल्या सामन्यात शार्दुल ठाकूरचे संधी जाऊ शकते. पुन्हा एकदा टीम इंडिया रविचंद्रन अश्विनवर आत्मविश्वास टाकू शकते, तर दुसरा पर्याय मोहम्मद शमीला या विश्वचषकातील पहिला सामना खेळू देण्याची संधी देणे हा आहे.
मोहम्मद शमीचे अहमदाबाद कनेक्शन
खरंतर नरेंद्र मोदी स्टेडियम हे मोहम्मद शमीसाठी एक प्रकारे होम ग्राउंड आहे. कारण मोहम्मद शमीने आयपीएलमध्ये या मैदानात अप्रतिम कामगिरी केलेली आहे. शमीने आयपीएल 2023 च्या एकूण 17 सामन्यात 28 विकेट घेतल्या होत्या. येथे लक्षात घेण्यासारखे आहे की IPL 2023 मध्ये शमीने नरेंद्र मोदी स्टेडियमवर 9 सामन्यात 17 विकेट घेतल्या होत्या.
पाकिस्तान प्लेइंग 11 मध्ये करणार नाही बदल?
भारताप्रमाणेच पाकिस्तानचा संघही श्रीलंकेला हरवून अहमदाबादला पोहोचला आहे. पाकिस्तानने 10 ऑक्टोबर रोजी विश्वचषक स्पर्धेतील सर्वात मोठ्या लक्ष्याचा पाठलाग केला आहे. या सामन्यात श्रीलंकेने 345 धावांचे लक्ष्य दिले होते.
हेही वाचा >> Dream 11 मुळे नोकरीच धोक्यात? पुण्यातील पोलीस अधिकाऱ्याचं प्रकरण फडणवीसांच्या कोर्टात
प्रत्युत्तरात मोहम्मद रिझवान (131) आणि अब्दुल्ला शफीक (113) यांच्या शतकी खेळीच्या जोरावर पाकिस्तानने अवघ्या 48.1 षटकांत सामना जिंकला. विश्वचषकात एकाच सामन्यात 4 शतके झळकावण्याची ही पहिलीच वेळ आहे. त्यामुळे पाकिस्तानने दिलेल्या ऐतिहासिक कामगिरीनंतर बाबर आणि कंपनी विजयी संघाच्या संयोजनासह स्टेडियममध्ये प्रवेश करेल.
