Richard Kettleborough : कोहलीच्या शतकासाठी दिला नाही वाइड बॉल, नियम की फिक्सिंग?
Virat Kohli Richard kettleborough Wide ball controversy : तारीख 19 ऑक्टोबर 2023. ठिकाण पुण्यातील एमसीएचे गहुंजे मैदान. विश्वचषकातील 17 सामना भारत आणि बांगलादेशमध्ये सुरू होता. सामन्यात भारत विजयाच्या उंबरठ्यावर पोहोचला होता, पण सगळ्यांचं लक्ष होतं ते विराट कोहलीच्या शतकाकडे. कारण कोहली शतकापासून 3 धावा दूर होता. त्याच्या शतकासाठी केएल राहुल त्याला सतत स्ट्राईक देत होता, जेणेकरून तो शतक पूर्ण करू शकेल. (Why was Richard kettleborough the wide ball not given?)
दरम्यान, डावखुरा ऑर्थोडॉक्स फिरकी गोलंदाज नसुम अहमद बांगलादेशकडून 42 वे षटक टाकण्यासाठी आला. त्याने पहिलाच चेंडू लेग साइडच्या दिशेने टाकला. हा चेंडू वाइड द्यायला हवा होता, असे काही चाहत्यांना वाटले. पंच रिचर्ड केटलरो यांनी वाइड न दिल्याने पक्षपातीपणापासून ते फिक्सिंगपर्यतची चर्चा झाली. विराट कोहलीला शतक झळकावण्याची संधी देण्यासाठी हे केलं असंही बोललं जात आहे.
हे ही वाचा >> कोहलीने बांगलादेशचे स्वप्न मिळवले धुळीस! पुण्यात भारताचा मोठा विजय
या WIDE बॉलच्या निर्णयाने सोशल मीडियावर चाहत्यांमध्ये ‘महाभारत’ सुरू झाले. अनेकांचं म्हणणं असं होतं की, तो स्पष्टपणे वाइड बॉल होता. वाइड बॉलवरून सोशल मीडियावर चांगलाच वाद रंगला आहे. वाइड बॉलवर का झाला गोंधळ, काय आहे याबाबत नियम? पंच रिचर्ड केटलबरो कोण आहेत? हेच सोप्या भाषेत समजावून घ्या...
वाइड बॉल का दिला नाही?
अंपायर कोणत्या परिस्थिती वाइड बॉल देऊ शकत नाही? या संदर्भात, क्रिकेटचे नियम बनवणाऱ्या मेरीलेबोन क्रिकेट क्लब (एमसीसी) चे नियम पाहिले. MCC च्या नियम 22.4 नुसार, खालील परिस्थितीत वाइड बॉल देता येत नाही. मार्च 2022 मध्ये WIDE बॉलच्या नियमांमध्ये बदल करण्यात आले होते.
चेंडू टाकल्यानंतर फलंदाज हालचाल करत असेल, तर वाइड चेंडू दिला जात नाही. चेंडू फलंदाजाच्या अगदी जवळून गेला. किंवा चेंडू बॅट्समनला लागला तर अंपायर बॉल वाइड मानत नाही. चेंडू बॅट्समनच्या बाजूने जातो तेव्हाच तो बॉल वाइड चेंडू दिला जातो.
क्रिकेटचे नियम असेही म्हणतात की, "फलंदाज हालचाल करत असताना जर वाइड चेंडू जात असेल, तर अंपायर डिलीव्हरी वाइड घोषित करणार नाही."
हे ही वाचा >> एक नाव, दोन व्होट बँक; प्रमोद महाजनांच्या नावे योजना लाँच करण्याच काय आहे कहाणी?
मात्र, सामन्यादरम्यान माजी यष्टिरक्षक फलंदाज आणि आता समालोचक दीप दासगुप्ता यांनी टोमणे मारत म्हटले की, केएल राहुल आणि नंतर पंचांच्या मदतीने विराट कोहलीने आपले शतक पूर्ण केले.
खरंतर वाइड पाहण्यासाठी, फलंदाजाची पोझिशन पाहिली जाते. त्या शॉटदरम्यान विराट थोडा हलला होता. त्या कारणामुळे तो चेंडू वाइड दिला गेला नाही.
पंच रिचर्ड केटलबरो कोण आहेत?
रिचर्ड केटलबरो हे अतिशय प्रसिद्ध पंच आहेत. ते इंग्लंडकडून प्रथम श्रेणी क्रिकेटही खेळले आहेत. त्याच्या अंपायरिंग कारकिर्दीबद्दल बोलायचे तर त्यांनी 112 टेस्ट मॅचमध्ये टीव्ही अंपायर आणि मैदानी अंपायरची भूमिका बजावली आहे. त्यांनी 155 एकदिवसीय सामन्यांमध्ये पंच आणि टीव्ही अंपायरची भूमिका बजावली आहे. त्यांनी 51 टी-20 आंतरराष्ट्रीय सामन्यांमध्ये अंपायरिंगही केले आहे.
हे ही वाचा >> उद्धव ठाकरेंकडून 6 निष्ठावंतांना ‘प्रमोशन’, मातोश्रीवरील बैठकीतील Inside Story
याशिवाय त्यांनी 33 प्रथम श्रेणी सामन्यांमध्ये 1258 धावा आणि 21 लिस्ट ए सामन्यांमध्ये 290 धावा केल्या आहेत. तो डावखुरा टॉप ऑर्डर फलंदाज आणि अर्धवेळ गोलंदाज होता. 2006 मध्ये त्यांना ECB च्या अंपायरिंग यादीत समाविष्ट करण्यात आले. 2009 मध्ये ओल्ड ट्रॅफर्ड येथे इंग्लंड आणि ऑस्ट्रेलिया यांच्यातील T20 मध्ये त्यांनी आंतरराष्ट्रीय अंपायरिंग पदार्पण केले.
2011 मध्ये भारतात झालेल्या विश्वचषकासाठी 18 पंचांच्या पॅनेलमध्ये त्यांचा समावेश करण्यात आला होता. त्याच वर्षी, आयसीसीच्या एलिट पॅनेलमध्ये त्यांचा समावेश करण्यात आला होता आणि वयाच्या 38 व्या वर्षी ते पॅनेलमधील सर्वात तरुण पंच होते. फक्त दोन वर्षांनंतर, 2013 मध्ये त्यांना एलिट पॅनेलमध्ये समाविष्ट करण्यात आले होते. त्यांना ICC 'अंपायर ऑफ द इयर' पुरस्कार मिळालेला आहे.
